Андоновски: Ќе бидат блокирани сите домени за коцкање на интернет
Стефан Андоновски,министерот за информатичко општество, вели дека Владата ќе остане силно посветена на борбата против нелегалното коцкање на интернет со тоа што ќе ги блокира домашните и странските домени на веб-страниците за коцкање преку интернет.
По владината одлука за забрана на онлајн коцкањето, министерот за дигитализација вели дека следниот чекор ќе биде детекција и гасење на сите страници кои приредуваат игри на среќа на интернет, а во оваа акција покрај домашните, ќе бидат опфатени и странските играчи на пазарот.
„Мене ми е драго што владата е обединета со нелегалното онлајн обложување. Првиот состанок е со Агенцијата за електронски комуникации, Марлет и од Лотарија, на кои се утврдија чекори како да се справуваме со нелегалното коцкање. Прво забранување со домејните на .мк, затоа што тие се спротивни со законот на игри на среќа. Потоа разговаравме за блокирање на странски домејни кои се присутни на домашниот пазар“, рече Андоновски
