Ана Костадиновска: Нашата приказна беше најубава!
Придружниот вокал на групата ДНК и професорка во средното музичко училиште, Ана Костадиновска се огласи по повод големата трагедија во дискотеката Пулс во Кочани каде загинаа 60 лица, а меѓу нив и нејзините сорабоници и пријатели од групата.
Со фотографии од заеднички настапи на групата, таа се наврати на минатите времиња.
Вели дека минува низ болен период.
„Кога љубовта е мотив, страста водилка, а линкот музика, се испишуваат најубави прикази. Таква, најубава беше и нашата. Ич не сакам збогувања. Затоа не велам збогум, туку до видување најсакани мои… Боли многу“, пишува Костадиновска.
Инаку, Костадиновска, Владимир Блажев – Панчо и гитаристот Горан Тонев се единствените преживеани од музичката група, а дури осум члена од екипата на ДНК го изгубија животот на 16-ти март во Кочани.
