АМЕРИКАНСКИОТ БАНКАРСКИ СЕКТОР ЌЕ ЈА ПРЕЖИВЕЕШЕ РЕЦЕСИЈАТА, НО: Анализата на ФЕД покажа загуба на 23 најголеми банки над 540 милијарди евра
Сите големи американски банки успешно го поминаа редовниот годишен тест за рецесија, се вели во соопштението на американската централна банка ФЕД. Во случај на негативно сценарио, кое предвидува „силна рецесија“, ниту една од 23-те тестирани банки во САД не би банкротирала и сите би успеале да го задржат минималното ниво на капитал, се наведува на веб-страницата на ФЕД.
Овогодинешниот тест се базираше на сценариото за сериозна глобална рецесија со 40,0 отсто пад на цените на комерцијалните недвижности и 38,0 отсто пад на цените на куќите и становите, со висока невработеност и намалување на економското производство.
Потенцијални загуби од рецесијата околу 541 милијарди долари
Доколку ова сценарио – кое, меѓу другото, предвидува стапка на невработеност од 10,0 отсто – се оствари, банките сепак би забележале значителни загуби од околу 541 милијарда долари, се додава во соопштението на ФЕД.
– Резултатот покажува дека банкарскиот систем во САД е силен и издржлив – најави заменик-претседателот на супервизијата на ФЕД, Мајкл Бар.
Во исто време, тој истакна дека овој тест за рецесија е само еден начин да се измери силата на банките и повика на понатамошна работа и претпазливост во однос на можните ризици.
