„Ако отидам дома и ми јават дека во зградата има дојава за бомба, нема да излезам, ќе гледам ТВ, надвор студи“, вели Ангелов

Директорот на Центарот за управување со кризи (ЦУК), Стојанче Ангелов вечерва на „Канал 5“ изјави дека повеќе институции се задолжени да откријат кој стои позади хибридните напади кои нанесуваат економска штета, но и штета врз образовниот процес.

Ангелов вели дека дел од граѓаните воопшто не се плашат, затоа што знаат дека дојавите за бомби се лажни.

„Ако сега отидам дома и ако ми јават дека во зграда има дојава за бомба, нема да излезам, ќе гледам телевизија, надвор студи“, рече Ангелов, кој додава дека граѓаните ќе отрпнат по многуте дојави.

Според Aнгелов, ова не е случајно токму сега во Македонија да има дојави за бомба, односно државата е таргетирана.