Ацо Петровиќ се враќа – пак ќе го води Бразил
Информацијата ја потврдија и тој и Бразилската кошаркарска федерација, а главен предизвик за Петровиќ ќе биде пласман на Олимписките игри.
„Многу сум горд што се врати. Сега е време да се фокусираме на олимписките квалификации, во потрага по место во Париз“, напиша Петровиќ.
Тој беше селектор на Бразил од 2017 до 2021 година и со „кариоките“ учествуваше на Светското првенство во Кина каде го освои 13. место. Бразил има исклучително талентирана млада генерација која може да направи успех на меѓународна сцена претстојниот период.
