34-годишен скопјанец на моторот пронашол плико со заканувачки пораки по неговиот живот и по животот на неговиот син и пет куршуми внатре

Сериозен инцидент со елементи на закана по живот е пријавен во скопската полиција, откако жител на Скопје пронашол плико со заканувачки пораки и пет куршуми оставени на неговиот паркиран мотор.

Како што информираат од Министерството за внатрешни работи, случајот бил пријавен на 18 јули 2025 година, во 08:23 часот. Случајот го пријавил 34-годишниот С.Р., кој изјавил дека наутро, на улицата „Балзакова“, на својот мотор забележал плико со пораки во кои му се заканувале по неговиот и животот на неговото дете, како и пет проектили.

„Се преземаат мерки за целосно расчистување на случајот“, информираат од МВР.