Метео најава за Македонија: Следува период на променливо облачно време со повремени локални врнежи од дожд

Под влијание на серија влажни воздушни бранови од утре во вечерните часови до понеделник (10.11.) следува период на променливо облачно време со повремени локални врнежи од дожд.

Наместа врнежите ќе бидат поројни и пообилни и во текот на 24 часа се очекува да наврне поголема количина дожд (над 30 l/m2).

Во Скопје, од утре во вечерните часови до понеделник ќе има повремени врнежи од дожд кои во делови од котлината повремено ќе бидат поројни и пообилни.