ЌЕ СКОКНЕ ЛИ ЦЕНАТА НА ШЕЌЕРОТ? Индија го забрани извозот во следната сезона, што ќе значи ова за целиот свет?

Индија ќе го
забрани извозот на шеќер за следната сезона, а почнна веќе од октомври. Ова е
прв пат по седум години, бидејќи недостатокот на дожд ги намали приносите на
шеќерна трска.

Оваа информација
Ројтерс ја доби од свои извори во Владата на Индија. Доколку Индија не е
присутна на светскиот пазар на шеќер, најверојатно ќе ги зголеми цените на
берзите во Њујорк и Лондон, кои веќе се на повеќегодишни максимални вредности,
што ги зголемува стравувањата од инфлација на светските пазари на храна.

– Нашата главна
цел е да ги задоволиме локалните потреби за шеќер и да произведуваме етанол од вишок
шеќерна трска. За претстојната сезона нема да имаме доволно шеќер за
извоз – изјави извор од Владата на Индија.

Индија дозволи да се извезат само 6,1 милиони тони шеќер во
текот на тековната сезона до 30 септември, а минатата сезона беше дозволен извоз
на рекордни 11,1 милиони тони. Во 2016 година, Индија воведе данок од 20
проценти на извозот на шеќер за да ја ограничи продажбата во странство.

ФОТО: EPA-EFE/HARISH TYAGI